Ба гузориши iFilm2, якшанбе 4 январи соли 2026, ҷадвали пахши барномаҳои ин расона дучори тағйир мегардад ва бар асоси ин тағйир, ба гунаи муваққатӣ ду сериал аз барномаҳои собит хориҷ шуда, ду асари дигар ҷойгузини онҳо мешаванд.
Бар пояи ин ҷобаҷоӣ, пахши сериали ҳаҷвӣ «Поварчин» дар рӯзи якшанбе қатъ мегардад ва бозпахши он дар рӯзи душанбе низ идома нахоҳад ёфт. Ба ҷои ин сериал, як қисмат аз сериали эпизодии «Қиссаҳои Тибён» соати 18:00 ба вақти Теҳрон, 19:00 ба вақти Кобул ва 19:30 ба вақти Душанбе аз шабакаи iFilm2 пахш мешавад. «Қиссаҳои Тибён» сериалест, ки ҳар қисмати он дорои достоне ҷудогона буда, ба мавзӯъҳои ахлоқӣ ва иҷтимоӣ мепардозад; қиссаҳое сода ва фаҳмо аз зиндагии мардумони одӣ, ки дар анҷом паёме равшан ва инсонӣ ба бинанда мерасонанд.
Ҳамчунин пахши сериали «Маъмури бадрақа» дар рӯзи якшанбе мутаваққиф мегардад. Ба ҷои он, сериали эпизодии «Дар қиссаҳо зиндагӣ мекунанд» соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе рӯйи антенна меравад. Ин сериал низ дар ҳар қисмат, достоне мустақил аз зиндагии мардумро бо шахсиятҳо ва бозигарони гуногун ривоят мекунад ва бар рӯйдодҳои инсонӣ ва иҷтимоӣ тамаркуз дорад.
Бинандагони iFilm2 метавонанд барои огоҳӣ аз навтарин тағйироти ҷадвали пахши барномаҳо, ба бахши ҷадвали пахши вебсайти ин шабака муроҷиат намоянд.
